“Do nisim jetë të re”-flasin gratë e liruara nga burgu: Gjithmonë ka mundësi të dytë

Ka nisur ditën e sotme zbatimi i amnistisë penale, ku sipas ministrit të drejtësisë Ulsi Manja, 800 të burgosur lirohen ditën e sotme ndërsa 800 të tjerë përfitojnë ulje dënimi.

Gratë e liruara nga burgu në ‘Ali Dem’ kanë dhënë një deklaratë të shkurtër sapo kanë dalë, duke u shprehur se janë të lumtura dhe se më në fund do bashkohen me familjet e  tyre.

Mes tjerash ata shprehen se pavarësisht gabimeve që mund të bëjnë gjithmonë ka një mundësi të dytë.

“Jemi shumë të lumtura.  Do shkojmë te familjet tona sepse dhe ata janë lodhur duke ardhur në këto dyer të vështira. Do nisim një jetë të re. Falenderojmë Ulsi Manjën, shefen e edukimit, drejtoreshën e burgut”

Mesazhi është që pavarësisht gabimit që mund të bëjmë, ka një mundësi të dytë”-shprehen ata.

LEXONI GJITHASHTU: 

• I riu lirohet nga amnistia pas 10 vitesh, apel politikës: Bëjeni më shpesh këtë ligj
• “Uroj askush mos ta provojë burgun”, ish-kryebashkiaku i Lezhës lirohet me amnisti