“Do qëndroni në institucione apo do bëni revolucion”? Majko-PD: Jeni jashtë sistemit

Deputeti i PS, Pandeli Majko replikoi me deputetin e PD, Noka i cili lëshoi akuza të ashpra ndaj SPAK të cilit iu referua si SKAP.

Majko iu drejtua deputetëve të opozitës duke iu kujtuar se në burgje të arrestuar me urdhër të SPAK janë shumë më tepër nga PS se nga PD, e megjithatë PS nuk e ka akuzuar kurrë SPAK pasi respekton sistemin, gjë që sipas tij PD nuk po e bën.

“SPAK është SKAP apo duhet përkrahur në luftën e tij kundër korrupsionit, që gëzon përkrahjen më të fortë të partnerëve tanë SHBA dhe BE, e deklaruar kjo. Kjo që po bëni sot me organet e drejtësisë është një lëvizjes antisistem siç bërë me djegien e mandateve. Pikët i keni humbur çdo ditë para votuesve, se njerëzit nuk duan të shohin aventurierë në pushtet që nuk dinë se çfarë duan. Sot në burgje më shumë janë nga PS se nga ju, por asnjë nga ne nuk është ngritur të godasë SPAK se respektojmë sistemin. Ju keni vendosur të punoni jashtë sistemit, jashtë sistemit jeni të humbur”, tha Majko.

LEXONI GJITHASHTU:

• Sulmet e Metës ndaj SPAK, Softa: Ka konflikt të hapur me Dumanin, po krijon…
• SPAK firmos urdhërarreste për zyrtar të kadastrës, 2 në burg (Emrat)