“Do të inkurajohej të sulmonte”- Osmani me Stoltenberg: Të merren masa ndaj Serbisë

Presidentja e Republikës së Kosovës, Vjosa Osmani, është shprehur se duhet të merren masa ndaj Serbisë për sulmin në Banjskë të Zveçanit.

Komentet Osmani i bëri gjatë një konference të përbashkët me sekretarin e përgjithshëm të NATO-s, Stoltenberg, ku tha se nëse nuk merren masa ndaj Serbisë, mund të inkurajohet të sulmonte sërish Kosovën dhe të destabilizonte Ballkanin.

Ajo gjithashtu e cilësoi NATO-n si një përtner kyç për Kosovën dhe rajonin, në ruajtjen e paqes dhe sigurisë.

“Nëse Serbia nuk përballet me asnjë masë për këto sulme të vazhdueshme do të inkurajohej të sulmojë Kosovën dhe të ta destabilizojë Ballkanin. Roli i NATO-s në këtë drejtim është vendimtar, pasi Serbia mbetet kërcënim për paqen në rajonin tonë.

Në 26 tetor Kosova ka ofruar që të nënshkruhen marrëveshjet, sa i përket planit Franko-Gjerman dhe propozimeve të tjera nga ana e BE-së për dialog të suksesshëm. Nuk kemi tryezë ku palët të jenë të barabarta dhe nëse palët nuk janë të barabarta në negociata, atëherë ky quhet dështim. Kosova është vend serioz që e respekton NATO-n si një aleancë që e siguron vendin tonë, që ka kontribuar në sigurinë e vendit tonë.

Janë partnerët tanë në mbrojtjen e Kosovës. Sot kemi folur për këtë marrëveshje, nën supozimin se do të respektohet renditja e përgjegjësve përsa i përket sigurisë së Kosovës. Përgjegjësi i parë është Policia e Kosovës, më pas Eulexi dhe e treta është NATO. Ashtu siç tha edhe Stoltenberg, nuk mund të pritet nga NATO që të marrë rolin e Policisë së Kosovës”, është shprehur Osmani.

LEXONI GJITHASHTU:

• Kulla: Kurti luajti blofin, as ai nuk do firmoste me Ana Brnabiç
• A do t’i refuzojë Kurti liderët e BE? Eksperti tregon çfarë do të ndodhë në Bruksel