“Do vijojmë aksionin opozitar”, Bardhi flet pas takimit me deputetët e PD

Kreu i Grupit Parlamentar të PD-së Gazment Bardhi, ka dalë në një deklaratë për mediat pas takimit që ka zhvilluar me deputetët e Rithemelimit në Kryesi.

Në fjalën e tij, ai theksoi se temë kryesore e diskutimit ishte vijimi i aksionit të opozitës në Kuvend.

Ai theksoi se mazhoranca i është përgjigjur me arrogancë kërkesave të opozitës për kontrollin parlamentar.

“Temë kryesore e diskutimit ishte vijimi i aksionit të opozitës në parlament. Besoj se jemi të gjithë dëshmitarë se nga ana e mazhorancës nuk ka pasur asnjë reflektim për të mundësuar rikthimin e parlamentit në normalitet. Opozita është në një aksion prej disa muajsh në  Kuvendin e Shqipërisë, si pasojë e dhunimit flagrantë  që mazhoranca i ka bërë Kushtetutës dhe rregullores  së Kuvendit të Shqipërisë, sa i takon të drejtave legjitime, Kushtetutese të deputetëve të opozitës në sallën e parlamentit. Ju keni parë që në vend te reflektimit  ndaj kërkesës së opozitës për të  kryer parlamenti një prej tre funksioneve  të tij kryesore, atë të kontrollit parlamentar, mazhoranca i është përgjigjur me arrogancë  përmes miratimit të ndryshimeve të njëanshme. Ne jemi drejtuar presidentit të Republikës dhe unë dhe njëherë i bëjë thirrje Begajt të bëhet garant i Kushtetutës së Shqipërisë.  Presidenti të ngrihet në lartësinë e detyrës Kushtetuese”-tha ai.

LEXONI GJITHASHTU: 

• Spahiu: Basha s’mund ta ngrejë PD e re me ata që kanë 30 vjet idhull Berishën
• Ndarja nga jeta e biznesmenit Dritan Mezini, Rama: Dje ishim në të njëjtën tryezë