Domenikania e martuar me fierakun: Do vijmë këtë verë për pushime në Shqipëri

Patricia është një vajzë me origjinë nga Republika Domenikane, e lindur në Miami dhe jeton në New York.

Pikërisht në New York ajo u njoh me dashurinë e saj të jetës, një djalë fierak i quajtur Mariento. Ata u njohën para 2 vitesh në studion e tij fotografike pasi ai punon si fotograf dhe nuk e zgjatën shumë e vendosën që të martohen.

Në një intervistë për emisionin GoodMorning Albanians në Euronews Albania Patricia tregoi se është mrekulluar me faktin se sa shumë fjalë shqipe kanë ngjashmëri me spanjishten.

Ajo tha se nuk ka qenë kurrë në Shqipëri dhe do të kishte shumë dëshirë të shkonte këtë verë.

“Plazhet janë të mrekullueshme, dhe republikane njihet si një vend tropikal me dete dhe duke parë Shqipërinë që ka plazhe të mrekullueshme, mezi pres të vij. Këtë verë do shkojmë në Spanjë dhe meqë do jemi në Spanjë do kalojmë edhe në Shqipëri dhe do ju takojmë personalisht”, tha ajo.

LEXONI GJITHASHTU:

• Shpërthen fuoristrada e shqiptarit në Berlin, pjesët i fluturojnë 30 metra larg
• Shqiptarja Distria Krasniqi fiton medaljen e artë në Grand Slamin e Xhudos në Paris