Dosjet e ish-sigurimit, deputeti: Autoriteti do bëjë transparencë, e mbështesim

Deputeti i Partisë Socialiste Toni Gogu u shpreh në Euronews Albania se Autoriteti i Dosjeve do të bëjë transparencë të plotë, sa i përket ligjit të dosjeve.

Deputeti sqaroi se Autoriteti i Dosjeve kërkon që të ketë kompetenca për verifikimin e  individëve që kanë marrë certifikatën e pastërtisë nga komisionet Bezhani dhe Mezini.

Ai shtoi se PS mbështet këtë nismë fisnike të Autoritetit të Dosjeve.

“PS ka mbështetur kërkesën e autoritetit, PS është nismëtarja e autoritetit të dosjeve. PS do i japë mbështetjen e plotë dhe kërkesës së opozitës për deklasifikuar fondin e informacionit të klasifikuar që opozita solli. Nisma është e autoritetit të dosjeve që ka konstatuar se ka një ndalesë në ligjin aktual, i cili nuk e lejon që të kontrollojë individë qytetarë që kanë marrë certifikatën e pastërtisë nga komisionet Bezhani dhe Mezini. PS meqenëse po ndërhyjmë në këtë fushë dhe sektor, duam të vendosim në një standard të ri për ta çuar lustracionin një histori mbylljeje”, u shpreh deputeti.

LEXONI GJITHASHTU:

• Autoriteti i Dosjeve po tallet me shqiptarët, pretendon Bushati
• “Manipulime”, Braimllari: Autoriteti i Dosjeve ka falsifikuar dokumentet zyrtare
• FOTO/ Kush janë efektivët që u qëlluan me armë në Vlorë, lëviznin me makinë pa targa