Gazetari Arbër Hitaj ka komentuar në emisionin ‘Review’ në Euronews Albania emrat e zgjedhur sot në Asamblenë e PS si drejtues politikë të qarqeve, por edhe në pozicione të tjera.

Hitaj tha se mes këtyre emrave ka prej tyre që e meritojnë të jenë atje, por ka edhe nga ata që sipas tij janë eksperimentalë.

Sipas tij Blendi Gonxhja dhe Bledi Çuçi janë eksperimentalë apo në pronë, për shkak se nuk janë përballur më parë me eksperienca të tilla në qarqe të mëdha.

Ai tha gjithashtu se Damjan Gjiknuri e meriton pozicionin si sekretar i çështjeve zgjedhore, për shkak të eksperiencës së gjatë që ka në këtë fushë.

“Disa emra si Gjiknuri, unë mendoj se është me meritë sekretari i çështjeve zgjedhore. Për shkak të eksperiencës së madhe që ka me çështje zgjedhore, është njeriu i duhur për të qenë aty. Balluku ka shumë që nuk e duan, por është një makineri elektorale dhe në zgjedhjet e fundit e ka treguar këtë.

Dhe i shkonte një qark i tillë edhe për shkak të interesave të mëdha që ai gjeneron. Por ka edhe individë që janë eksperiment apo provë. Gonxhja për mua është provë, Çuçi është provë. Çuçi është marrë me qarqet e vogla, ndërsa Vlora është qark i madh”, tha Hitaj.

LEXONI GJITHASHTU:

• Asambleja e PS, Bardhi: Asnjë reflektim, lajmi i vetëm është shkrirja e partisë
• EMRAT| PS zgjedh drejtuesit e rinj politikë në qarqe, Balla për Diasporën