Dritan Shakohoxha: Në familjen time nuk është askush tifoz

Gazetari sportiv, Dritan Shakohoxha deklaroi se asnjë person në familjen e tij nuk sheh ndeshje futbolli.

Në emisionin “Barometri” në Euronews Albania, Shakohoxha u shpreh se i vëllai është më aktiv dhe shkon të shohë ndeshje në stadium.

“Te familja ime, nuk sheh asnjë futboll, asnjëherë. Babai im nuk ka parë kurrë futboll, fëmijët fare. I vogli tentoi pak, më shumë për rrymë të shokëve, jo nuk janë tifozë.

Vëllanë e kam tifoz shumë. U habita për shkak të përqindjes së lartë. Vëllai im është pak më shumë tifoz, është pak më aktiv, shkon në stadium”, theksoi ai.

Shqiptarët kanë treguar skuadrën e tyre të zemrës në kampionatin botëror të futbollit. Të pyetur nga Barometri në Euronews Albania, Brazili ka rezultuar skuadra më e preferuar nga shqiptarët me 27.6%.

Një skuadër tjetër shumë e preferuar për shqiptarët, është Gjermania me 24.3%, ndërkohë që pasohet nga Italia me 14%, Argjentina me 10.7% dhe Hollanda me 5.5%.

Skuadrat të cilat kanë më pak tifozë shqiptarë, janë Portugalia me 4.2%, Franca me 4%, Spanja me 3.9% dhe Anglia me 2.2%. Ndërsa 3.5% e tyre bëjnë tifo për kombëtare të tjera.

LEXONI GJITHASHTU

• “Babi të ka vënë emrin Franc”, Shakohoxha: Cilët shqiptarë janë tifozë me Anglinë
• Ylli Manjani tregon skuadrën e zemrës në “Katar 2022”