Ylli Manjani tregon skuadrën e zemrës në “Katar 2022”

Ish-ministri i Drejtësisë, Ylli Manjani ka treguar në emisionin “Barometri” në Euronews Albania, se për cilën  kombëtare të huaj bën tifo.

Ai u shpreh se është tifoz me Gjermaninë, ndërsa në rang klubesh, me Bajernin e Mynihut.

“Sa më i ri, aq më tifoz je. Edhe unë kur kam qenë 20 vjeç, kam qenë tifoz më i egër sa ç’jam sot. Kështu funksionon me kalimin e kohës. Unë e besoj atë.

E ndiqja me më shumë pasion. Këtë kampionat, unë ndjek Gjermaninë, ndjek Bajernin. Kur luan ndeshje miqësore, përgatitore, stërvitore, e gjej në internet dhe e shoh, jam tifoz i sëmurë”, theksoi ai.

Shqiptarët kanë treguar skuadrën e tyre të zemrës në kampionatin botëror të futbollit. Të pyetur nga Barometri në Euronews Albania, Brazili ka rezultuar skuadra më e preferuar nga shqiptarët me 27.6%.

Një skuadër tjetër shumë e preferuar për shqiptarët, është Gjermania me 24.3%, ndërkohë që pasohet nga Italia me 14%, Argjentina me 10.7% dhe Hollanda me 5.5%.

Skuadrat të cilat kanë më pak tifozë shqiptarë, janë Portugalia me 4.2%, Franca me 4%, Spanja me 3.9% dhe Anglia me 2.2%. Ndërsa 3.5% e tyre bëjnë tifo për kombëtare të tjera.

LEXONI GJITHASHTU

• Cila kombëtare do të fitojë botërorin? Gjetjet e Barometrit

• Me kë janë tifozë shqiptarët? Barometri zbulon preferencat për skuadrat e mëdha