“Duhet qeveri teknike”, Noka: Demokratët u bashkuan, ky do jetë misioni ynë

Mbledhja e këshillit kombëtar të Rithemelimit është mbyllur me ndryshimet në statut për të futur grupin e Gazment Bardhit në kryesi.

Gazment Bardhi dhe Agron Gjekmarkaj u emëruan 2 nënkryetarët e rinj të PD, gjë që nuk kaloi pa debate dhe kundërshti në mbledhje.

Ndërkohë, në një deklaratë për mediat pas mbledhjes, deputeti Flamur Noka e cilësoi këtë një bashkim përfundimtar të demokratëve, ndërsa mohoi se në mbledhje kishte zëra kundër.

“Sot këshilli kombëtar i PD, në lartësinë e detyrës që i kanë ngarkuar demokratët arriti të përkthejë më së miri kërkesën 2-vjeçare të demokratëve, bashkimi është gjithçka për demokratët dhe pas vendimit për të bashkuar demokratët nga qendra në bazë jemi në një etapë të re. Tashmë të gjithë të bashkuar do vërshojmë cep më cep Shqipërisë për të justifikuar këtë besim të demokratëve dhe për t’i shkurtuar ditët regjimit më kriminal në Shqipëri. Pas këtij bashkim kemi një mision historik, të rikthehet vota e lirë, pre 10 vjetësh Rama vjedh votat me shantazhe dhe manipulime. Duhet një qeveri teknike, kjo do të jenë motoja e aksionit tonë. Shqipërisë duhet ti rikthehet vota e lirë. Sot nuk jemi forcë e dytë, por forcë e parë”, tha Noka.

LEXONI GJITHASHTU:

• Rithemelimi çon në Kushtetuese ligjin për komisionet hetimore: Të shfuqizohet
• Mbahet protesta e Rithemelimit, Berisha mesazh online qytetarëve