“Dumani di më shumë”, Rexhepi: Ta kërcënojnë me humbjen e statusit e të penduarit

Eksperti i kriminalistikës Artan Rexhepi tha në një intervistë për Euronews Albania këtë të shtunë se në ndryshim nga Artan Tafani, i penduari i drejtësisë Nuredin Dumani mund të ketë më shumë informacione lidhur me vrasje e krime të tjera.

Ai tha se mbase do duhej që ta kërcënonin me humbjen e statusit të të penduarit, që ky të tregojë gjithçka që di.

“Dumani është quajtur “plumbi i artë”, me të drejtë. E para ndryshon nga sasia e ngjarjeve. Unë dumanit i kam vënë emrin market, ku porositen vrasjet. Po ta shikoni në atë zonë lëvizin, Peqin, Elbasan, Rrogozhinë, Lushnjë, dihet që është një enklavë e fuqishme e krimit. Te metamorfoza doli diçka tjetër.

Në këtë kuadër, unë nuk dua t’i mësoj ata se janë oficerë të policisë gjyqësore dhe prokurorë me eksperiencë, por në këtë kuadër duhet ta kërcënonin me humbjen e statusit. Kam përshtypjen se ka dalë diçka te Metamorfoza. Në ndryshim me Tafanin, në dijeninë time Dumani di më shumë. Kjo është ana intuitive profesionale”,-tha Artan Rexhepi.

LEXONI GJITHASHTU:

• Panë qenin në timonin e makinës, policia gjobit shoferin në Sllovaki
• Analisti: Serbia dhe Bjellorusia duhet të përjashtohen nga partneriteti me Nato-n