Në 1 shkurt Durrësit do t’i hiqen zyrtarisht 2 gjykata. Nga harta e re gjyqësore, qyteti i dytë më i madh në vend humb Gjykatën e Apelit dhe atë Administrative.
Ndonëse e kundërshtuan vazhdimisht këtë reformë, për avokatët e qytetit bregdetar ishte e qartë që kjo ishte një betejë e humbur që në nisje.
“Ne e kuptuam që në tavolinën e rrumbullakët që patëm me KLGJ-në, me përfaqësues të prokurorisë e gjykatave, që do përfundonim si çeku i bardhë. Ne e kuptuam që aty, që ky ishte një fakt i kryer”, tha Krenar Bardhi, Anëtari i Dhomës së Avokatisë nw Durrës.
E megjithatë, në shenjë revolte për ditë të tëra ata bojkotuan seancat gjyqësore.
“Për shkak të misionit që mbartim, do të ishte e turpshme që ne të mos reagonim, të rrinim duarkryq. Nuk mund t’u thonim: ‘Hajdeni bëni ç’të doni me jetën e qytetarëve’”, shtoi ai.
Një luftë kjo për qytetarët, pa qytetarët.
“Qytetarët ishin skeptikë. Nuk besuan aq sa duhej. Tani që problemet i vijnë në shpinë, tani ka reagime”, pwrfundoi Bardhi.
Largimi i këtyre gjykatave i bashkohet shumë prej shërbimeve të tjera të spostuara tashmë nga Durrësi në kryeqytet, si ato të Tatimeve dhe Kadastrës.
LEXO GJHITHASHTU:
- Dosjet e Apelit nga 1 janari në Tiranë, avokati: Do rrisim tarifat
- BE: Harta e re gjyqësore, përmirëson efikasitetin e gjykatave në Shqipëri
- Qoku: Harta gjyqësore është hartuar nga KLGJ-ja dhe Ministria e Drejtësisë
