Studiuesi Erald Kapri tregoi në emisionin Now në Euronews Albania 2 foto nga momenti i ngritjes së flamurit nga Ismail Qemali në Vlorë, që tregojnë se si propaganda e komunizmit e shtrembëronte historinë.
Fotoja e parë është publikuar në 28 nëntor të ’69, ku duket Ismail Qemali vetëm në ballkon, ndërsa fotoja origjinale është plot me njerëz, edhe në dritare edhe në ballkon.
“Është bërë shumë, më e famshme është fotoja e Shkodrës ku Enver Hoxha ka të parën dalje publike para viteve ‘39 në një ballkon ku i rrethuar nga njerëz dhe fotoja e publikuar më vonë ku shfaqet vetëm, mungojnë nja 20 të tjerë. Gjatë diktaturës historia u shkrua dhunshëm, sidomos kur tentuam të bëjmë një nacionalizëm komunist dhe pasojat i vuajmë edhe sot. Kemi 40 firmëtarë të Pavarësisë që i njohim shumë pak. Edhe debati për emrat e shkollave dhe rrugëve që bëhet sot këtu nis, shumë prej tyre nuk kanë një vend nderi. Këtu duhet të nisë pak nga pak. Njerëzit lëndohen kur shohin bustin e Enverit se ka shumë padrejtësi ende të pazgjidhura”, tha studiuesi.
LEXONI GJITHASHTU:
- Paskal Milo zbulon letrën personale të shqiptarit për Adolf Hitlerin
- “Të pamend, injorantë”, Milo përgjigje kritikëve të Enver Hoxhës për luftën
