Dy të paraburgosur për vjedhje arratisen nga komisariati, kapet njëri

Mesditën e kësaj të marte, dy persona N. L., 29 vjeç dhe E. P., 33 vjeç, pas masës së sigurisë për “Vjedhje” në Gjykatën e Elbasanit për vjedhje, arritën të largoheshin me vrap nga komisariati.

Ata u arratisën në momentin që zbritën nga automjeti i policisë me qëllim kryerjen e procedurave për transferim në burg.

Policia ka njoftuar se është kapur një nga të arratisurit, ndërsa 29-vjeçari është ende në kërkim.

Njoftimi i policisë:

Shtetasit N. L., 29 vjeç dhe E. P., 33 vjeç, pas masës së sigurisë në Gjykatën e Elbasanit, të ndaluar më datë 28.12.2024, për veprën penale “Vjedhja”, pasi i kanë zbritur nga automjeti shërbimet e Policisë me qëllim kryerjen e procedurave për transferim në IEVP, këta shtetas kanë mundur të largohen me vrap nga ambientet e DVP Elbasan.

Si rezultat i veprimeve policore është bërë e mundur kapja e njërit prej tyre, shtetasit E. P., dhe vijon puna për kapjen e shtetasit tjetër, N. L..

Në lidhje me këtë rast, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor ndaj punonjësve të Policisë dhe Agjencia e Mbikëqyrjes Policore ka nisur hetimin penal.

LEXONI GJITHASHTU:

• “Më kishte 200 mijë lekë borxh”- Dëshmia e 39-vjeçarit që masakroi me thikë fqinjin
• “Gjeli i detit ka shumë kosto dhe nuk ka blerje”, tregtari në Berat: S’i rris dot