Dyfishimi i çmimit të patentës, Gjinaj: Politika të qëndrojë larg autoshkollave

Tonin Gjinaj, sekretar i përgjithshëm i shoqatës së autobusëve i ka bërë thirrje politikës që të qëndrojë larg ndërhyrjes në autoshkolla, pas lajmit se çmimi i patentave do të dyfishohet.

I ftuar në emisionin “Good Morning Albanians” në Euronews Albania ai tha se rritja e çmimit vjen për shkak të kostove që kanë për të paguar, të cilat lidhen me instruktorët, ekonomistët, dritat, ujin e të tjera.

“Autoshkollat kanë qenë në një situatë kritike. Autoshkollat pak vite më parë, hapeshin dhe mbylleshin si kioska dhe që në vitin 2009 ndryshoi legjislacioni.  Ka pasur autoshkolla që janë fiktive që veprojnë dhe sot, të cilat denoncohen me foto dhe video. Autoshkollat kanë një program mësimor, i cili konsiston në 36 orë teori në 15 ditë. Kemi paga për të paguar, mësues teorie, ujë, drita, administrator, ekonomist. Kjo përgatitje teorike konsiston në 30 mijë lekë. Ka shumë kandidatë që shkojnë më shumë se 15 ditë po prapë nuk marrim para shtesë. Politika duhet të rrijë shumë larg kësaj, është kosto teknike.”- theksoi ai.

LEXONI GJITHASHTU: 

• Befason avokati: Lypësit në rrugë shfrytëzohen nga grupet kriminale
• “Nxjerrin fëmijët në rrugë, prindërit të dënohen me gjobë”, avokati shpjegon ligjin