Dyrnjaja: Kam bindjen që Rama do e shpërblejë, ja posti që mund të marrë Spiropali

Gazetari Denis Dyrnjaja tha në një intervistë për “Now me Erla Mëhillin” në Euronews Albania se Elisa Spiropali mund të presë të emërohet si kryetare e grupit parlamentar të Partisë Socialiste, post të cilin e mbante Taulant Balla, i emëruar tashmë ministër i Brendshëm pas shkarkimit të Bledi Çuçit.

Sipas tij, fakti që Spiropali është dhe ministre Shteti nuk përbën asnjë problem dhe shprehu bindjen se Rama do e shpërblejë me një post.

“Rama për sentiment dhe për ego, kini parasysh çfarë i ka bërë Erion Veliajt disa herë. Taulant Ballën nuk e ka shitur kurrë publikisht, nuk e ka degraduar kurrë. Ka bërë një lëvizje politikë, e ka zhgënjyer që se emëroi ministër të Brendshëm kur ky e priste ta emëronte, ama në fund fare e ka pasur gjithmonë pranë vetes, e ka pasur gjithmonë në linjën politike, e ka pasur gjithmonë në linjën e parë të sulmit dhe e dualizoi me Elisa Spiropalin, e cila besoj po pret dhe ajo një post që mund të jetë posti i Ballës deri më sot, kam përshtypjen,” – deklaroi Dyrnjaja.

LEXONI GJITHASHTU:

•  Analisti: Balla si Flamur Noka, as i afrohet Sandër Lleshaj
• Spiropali-Berishës: Je kthyer nga gjahtar në pre, nuk e di nga do të vijë goditja