Dyrnjaja: SPAK ka fakte të reja për Ilir Metën

Gazetari Denis Dyrnjaja tha në një intervistë për Euronews Albania se SPAK ka prova të reja për ish-presidentin Ilir Meta lidhur me çështjet CEZ-DIA për  të cilën është thirrur 2 herë në Prokurorinë e Posaçme.

Sipas tij, ndryshe nga Berisha, Meta ka vendosur të përballet me drejtësinë duke u paraqitur në SPAK sa herë ta thërrasin.

“Në fjalën e tij për mediat para se të hynte në SPAK dhe pasi doli prej andej, Meta e cilëson telenovelë e gjykuar 2 herë çështjen CEZ-DIA. Kjo që thotë Meta bie automatikisht; në drejtësi një çështje e gjykuar nuk rihapet nëse nuk ka prova të reja. SPAK praktikisht e ka rihapur këtë çështjeje se ka dëshmi ose prova të reja. E dyta, Meta bën një diferencë me Berishën ë këtë rast, ndryshe nga Berisha ka vendosur të paraqitet në SPAK sa herë të thirret. Ka vendosur të përballet me drejtësinë”, tha gazetari.

LEXONI GJITHASHTU:

• Meta në SPAK, avokati: Nuk mund të flasë kundër, i ka dekretuar vetë prokurorët
• Meta pas daljes nga SPAK: Nuk kam firmosur asgjë, sulm i dirigjuar politik