Policia e Tiranës, në raportin ditor të personave të ndaluar në kryeqytet, ka bërë me dije dhe një rast të abuzimit seksual.

Sipas informacioneve paraprake të policisë një 60-vjeçar është ndaluar pasi dyshohet se ka kryer marrëdhënies seksuale me një vajzë të mitur.

“Specialistët për Hetimin e Krimeve të Komisariatit të Policisë Nr. 1 ndaluan me iniciativë shtetasin K. B., 60 vjeç, pasi dyshohet se ka kryer marrëdhënie seksuale me një shtetase të mitur”, thuhet në njoftimin e policisë.

Gjithashtu në prangat e policisë kanë përfunduar dhe dy 23-vjeçarë të cilët goditën me sende të forta një 48-vjeçar në Selitë.

“Specialistët për Hetimin e Krimeve të Komisariatit të Policisë Nr. 2 arrestuan shtetasin E. Gj., 23 vjeç, si dhe po punojnë për kapjen e shtetasit R. B., 23 vjeç, të dy banues në Tiranë, pasi dyshohet se ditën e djeshme, në Selitë të Vogël, në bashkëpunim me njëri-tjetrin, kanë goditur me sende të forta shtetasin B. H., 48 vjeç, për motive të dobëta”, thueht në njoftimin e policisë.

Specialistët e Komisariatit të Policisë Rrugore arrestuan shtetasit:

Specialistët e Policisë Rrugore Krujë arrestuan shtetasin A. L., 18 vjeç, banues në Tapizë, pasi u kap duke drejtuar automjetin, pa leje drejtimi.

– D. K., 33 vjeç, banues në Pukë, pasi u kap duke drejtuar automjetin, në gjendje të dehur;

– F. D., 18 vjeç, banues në Tiranë, pasi u kap duke drejtuar automjetin, pa leje drejtimi;

– L. Ç., 24 vjeç, banues në Tiranë, pasi në rrugën Vaqarr-Kombinat, automjeti që ai drejtonte është përplasur me motomjetin me drejtues shtetasin R. Gj., i cili si pasojë është dëmtuar lehtë;

– E. C., 28 vjeçe, banuese në Tiranë, pasi duke drejtuar automjetin, në gjendje të dehur, ka humbur kontrollin mbi drejtimin e tij dhe si pasojë automjeti ka dalë nga rruga.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Sherr me thika dhe shkopinj druri mes adoleshentëve në Elbasan, një i plagosur
• Vrasja e 18-vjeçarit, gazetarja: Shkak 1 vajzë, e lidhur më parë me shokun e autorit
• Vrasja e 18-vjeçarit në Tiranë, arrestohen autorët e dyshuar! Del foto e viktimës