Dyshoj se kanë ngordhur 11 qen nga helmimi te Liqeni, thotë pensionistja

Pensionistja Afërdita Faria Halili thotë se mund të kenë ngodhur 11 qen te Liqeni Artificial, si pasojë e helmimit nga ushqimi.

Në emisionin “Good Morning Albanians”, Halili u shpreh se kujdesej për qentë dhe i bëri thirrje shtetit dhe bashkisë që të marrin masa.

“Deri tani, në bazë të atyre që unë nuk gjej, dyshoj 11 qen. Para diga e Liqenit, më prisnin, hanin edhe iknin Gjërat e dyshimta janë prej personave që i kanë deklaruar më përpara, që do i helmoj, normal që kam dyshime. I bëj thirrje shtetit, bashkisë që të marrë masa.

Të parët që janë problem për helmimin e qenve endacakë dhe maceve janë lokalet dhe supermarketet. Këtë e kam me prova dhe fakte”, theksoi ajo.

Organizata për Mbrojtjen e të Drejtave të Kafshëve, Animal Rescue Albania ka njoftuar se në zonën pranë Liqenit Artificial disa qenë janë helmuar e të tjerë kanë ngordhur.

LEXONI GJITHASHTU

• Pensionistja: E njoh personin që helmoi qentë te Liqeni, e pashë kur iu dha ushqim
• Përlotet pensionistja: Më helmuan qenin që e kisha prej 8 vitesh
• ‘Parajsa’ e Mikolaivit, kopshti zoologjik ku ukrainasit mund të shijojnë paqen