“Je në Vëllazërinë Myslimane”, si nisi përplasja e Benzemasë me ministrin francez

Karim Benzema po kalon një periudhë të errët në karrierën e tij si futbollist, pasi aventura në Arabinë Saudite nuk po shkon siç duhet. Krahas kësaj, lojtari duket se nuk po gjen qetësi as në jetën jashtë sportit, ku tashmë i duhet të merret dhe me drejtësinë. Në fakt ka qenë vetë sulmuesi i Al Ittihad, ai i cili ka ngritur një padi ndaj ministrit të brendshëm të Francës, Gerald Darmanin.

Shkak është bërë një përplasje mes Darmanin e Benzema, por që u përfshinë dhe politikanë të tjerë francezë, teksa gjithçka ndodhi virtualisht. Pas nisjes së luftës Izrael-Palestinë, Benzema doli në mbështetje të palestinezëve. Mënjëherë pas këtij qëndrimi reagoi Darmanë, ku pohoi se “Karim Benzema ka lidhje famëkeqe me Vëllazërinë Myslimane”.

Pas kësaj deklarate, nuk vonoi shumë as ajo e Valerie Bojer, një tjetër politikane. Ajo kërkoi që futbollistit t’i hiqet Topi i Artë. Edhe eurodeputetja Nadine Morano e akuzoi publikisht për propagandë në favor të Hamasit. Këto reagime shkaktuan zemërim tek Benzema, i cili ka paditur fillimisht ministrin e Brendshëm, ndërsa ka pohuar se më pas është radha e Morano. Në rast se gjykata do ti japë të drejtë lojtarit ai do të përfitojë 12 mijë euro, shumë e cila do të shkojë për bamirësi.

LEXONI GJITHASHTU:

• Benzema: Zgjodha Arabinë Saudite sepse jam mysliman
• Benzema ngre padi kundër ministrit të Brendshëm francez