Lidhjet e mesfushorit brazilian Lucas Paqueta me bastet sportive janë shumë të forta e madje më të rëndësishme se e ardhmja e tij në fushën e blertë, me futbollistin që është sërish nën hetim.
Autoritetet angleze në bashkëpunim me federatën e futbollit atje e akuzojnë lojtarin në fjalë se ka luajtur baste pavarësisht se ishte nën hetim dhe telefonin e tij e kishte dorëzuar. 27-vjecari gjatë periudhës që celulari i tij personal ishte i sekuestruar bleu një tjetër, me të cilin po ashtu u përfshi në vendosjen e basteve sportive, konkretisht mbi veten e tij.
Kur autoritetet kërkuan që të analizonin celularin tjetër të tij, braziliani pohoi se e kishte humbur, duke zhdukur kështu provat për hetuesit. Sipas asaj që mediat britanike kanë bërë me dije, Paqueta rrezikon dënimin me përjashtim të përjetshëm nga futbolli, në rast se konfirmohen akuzat e fundit, e kjo nuk dihet në do të provohet apo jo.
Rreth 60 persona në Brazil kanë vendosur baste mbi të, kryesisht në shkaktimin e faulleve e marrjen e kartonëve të verdhë nga ana e 27-vjecarit, teksa në një episode një person ka vendosur bast me vlerë 7mln paundë për të, të cilin e ka fituar, e dyshohet se është vetë futbollisti që ka bërë diçka të tillë.
LEXONI GJITHASHTU:
- Shoferët e kamionëve bllokojnë autostradën në Francë, protestojnë kundër taksave
- Sa paguhen pensionistët në rajon? 425 € në Mal të Zi, 190 € në Shqipëri
