“E frikshme! E gdhimë jashtë”- Banorët e Klosit rrëfejnë përjetimet e tërmetit

Kamera e Euronews Albania ishte paraditen e kësaj të hëne në qytetin e Klosit, ku gazetarja Ortenca Budlla, solli për publikun disa nga përjetimet e banorëve në lidhje me tërmetin e të dielës.

Banorët shprehen të shqetësuar dhe thonë se shpresojnë që të mos ketë goditje të tjera më të fuqishme që mund të shkaktojnë shembjen e banesave.

“Kemi frikë se nuk dihet, atë e di i madhi zot. Po qe goditje e fuqishme edhe mund të shembet shtëpia”, tha një banor.

Disa banorë të tjerë rrëfejnë se goditja e tërmetit 4.7 ballë ishte e frikshme dhe se ata u detyruan ta kalojnë natën jashtë për shkak të frikës.

“Lëkundjet iu përjetuam shumë keq, dolëm përjashta dhe e gdhimë përjashta. Banesa ime kishte dëme, por jo të parikuperueshme, rikuperohet. Ishte trishtim!’, tha banorja.

“Me stres, sa kishim rënë në gjumë. Nuk doilëm jashtë, duke parë televizorin se çfarë po bëhej. Banesa ime nuk kishte dëmtime”, tha një tjetër banor.

LEXONI GJITHASHTU:

• Tjetër tërmet godet Shqipërinë, sa ishte magnituda
• A do të ketë tërmet të fuqishëm në vijim? Eksperti jep detaje
• 12 banesa të dëmtuara nga tërmeti, vijojnë lëkundjet