“E goditi gruan 6 herë, i la thikën në trup”-gazetari jep detaje nga vrasja në Greqi

Gazetari Etmond Guri, ishte këtë të premte i ftuar në “Good Morning Albaniands” në Euronews ku foli për ngjarjen e rëndë të ndodhur një ditë më parë, ku Enkelejda Danaj u vra mizorisht nga burri i saj 50-vjeçari Eduart Danaj.

Gazetari Guri tha se për fat të keq në vitet e fundit dhuna në familje është rritur ndjeshëm në Greqi dhe ndonëse viktima e kishte denoncuar të paktën 3 herë bashkëshortin e saj ai sërish ishte lënë i lirë dhe kreu aktin makabër.

“Ngjarja në ndodhinë e saj është vërtetë makabër, pasi autori e ka ekzekutuar ish bashkëshorten e tij me 6 thika, e në fund thikën ia ka lënë të ngulur në bark dhe e ka lënë në vend. Ata jetonin afër njëri-tjetrit. Shtëpia e tij është shumë afër viktimës, të cilën e ka pritur, ka debatuar ashpër dhe në mëngjes ai e ka ekzekutuar ish-bashkëshorten e tij.

I pyetur nëse kanë qenë të martuar në mënyrë ligjore gazetari tha:

“Po kanë qenë të martuar me letra, ai është denoncuar të paktën tre herë në polici dhe 3 herë prokurori e ka pushuar çështjen dhe e ka lënë të lirë autorin. Ky i fundit duke pasur debate me bashkëshorten që kishte vendosur të divorcohej, ka marrë këtë vendim ekstrem duke i marr jetën”,-tha gazetari.

LEXONI GJITHASHTU:

• “Vrava gruan time dhe s’jam penduar”, dëshmia e 50-vjeçarit: Po hante lekët e mia
• “Do të vras, do bëhesh si nëna jote”, 50-vjeçari që vrau gruan kërcënoni dhe vajzën