“E kthyen shtëpinë përmbys, s’gjetën gjë”, flasin të afërmit e të arrestuarve

Një megaoperacion policor është finalizuar në Elbasan këtë të enjte.

Raportohet për rreth 50 persona të arrestuar. Sipas informacioneve paraprake, hetimi disa mujor ka zbuluar rrjetin e shpërndarjes së drogave të forta në këtë qytet.

Të afërm të të arrestuarve kanë qëndruar për orë të tëra prapa dyerve të Drejtorisë së Policisë së Elbasanit duke kërkuar një shpjegim se për çfarë janë arrestuar.

Një çift të moshuarish treguan se policia kishte zbarkuar në orën 4 të mëngjesit në shtëpinë e tyre, ku kishin arrestuar djalin e tyre 32-vjeçar.

Ata thanë se policia e kishte kthyer shtëpinë përmbys duke kontrolluar për drogë, por nuk kishin gjetur asgjë.

“Erdhën në 4 të mëngjesit. Djali ka 4 muaj që nuk ka dalë nga shtëpia, ka pasur probleme me depresionin, as tek lokali i lagjes nuk ka dalë. Është kthyer përmbys shtëpia, por asgjë nuk gjetën. Këtu nuk na kanë thënë asgjë, as ilaçet as paketën s’na lënë t’i japim”, treguan ata.

LEXONI GJITHASHTU:

• Megaoperacioni në Elbasan, policia në deklaratë për mediat
• Megaoperacion policor në Elbasan, rreth 50 të arrestuar