E reja lë makinën ndezur te sheshi “Univers”, 18-vjeçari e vjedh dhe largohet

Policia e Tiranës ka arrestuar një 18-vjeçar, i cili vodhi makinën e një 26-vjeçarje.

Në bazë të operacionit policor të koduar “Square”, është arrestuar i riu me iniciale L. I. banues në Tiranë, i cili akuzohet për veprat penale “Vjedhja” dhe “Drejtimi i automjeteve në mënyrë të parregullt”.

Blutë bëjnë me dije se 18-vjeçari, ditën e djeshme te sheshi “Univers”, ka vjedhur automjetin në pronësi të 26-vjeçares e identifikuar si D. Sh. dhe më pas është larguar duke e drejtuar automjetin e vjedhur.

E reja e kishte lënë makinën ndezur, dhe në këtë moment 18-vjeçari e ka vjedhur dhe është larguar. I riu ka drejtuar automjetin pa leje drejtimi.

Materialet i kaluan Prokurorisë, për veprime të mëtejshme procedurale.

LEXONI GJITHASHTU: 

• Kapet ”tmerri” i biçikletave në Tiranë, si funksiononte rrjeti
• Orban në Moskë për varrimin e Gorbachevit, s’do ketë takim me Putinin
• Biden miraton 1.1 miliardë dollarë shitje armësh në Tajvan, priten tensione