E rëndë në Greqi! Djali i pret kokën dhe duart me sharrë elektrike të atit

Një ngjarje e rëndë raportohet të ketë ndodhur në Greqi ku një 46-vjeçar i ka prerë kokën dhe duart me sharrë elektrike babait të tij 77-vjeçar.

Lajmin e kanë bërë të ditur mediat greke, sipas të cilave, pas krimit 46-vjeçari lajmëroi Policinë për të njoftuar vrasjen.

Sipas ERT, kur autoritetet kanë mbërritur atje janë gjendur përballë një pamjeje të tmerrshme, pasi përveç kokës, e cila ndodhej pranë trupit, autori i kishte prerë edhe duart të atit.

Madje autori i ka thënë autoriteteve se e ka vrarë të atin në këtë mënyrë të tmerrshme sepse janë përleshur më parë me njëri-tjetrin.

Nga provat rezultonte se mes viktimës dhe sulmuesit kishte pasur një përleshje, pasi 76-vjeçari ka pësuar një plagë të mprehtë në qafë nga një send i mprehtë, përpara masakrës.

Sipas informacioneve të fundit, i arrestuari po trajtohet në spitalin e Trikalas, ndërkohë që punonjësit e policisë po vijojnë hetimet për zbardhjen e plotë të ngjarjes.

LEXONI GJITHASHTU:

• Greva e fermerëve në Greqi, bllokohet lëvizja në kufirin me Shqipërinë
• Greqi| E shkarkuan nga puna, egjiptiani vret motrën e pronarit dhe 2 punonjës