E rëndë në Shkodër| Ndërron jetë në spital 3-vjeçari, në gjendje kritike e motra

Një ngjarje tragjike ka ndodhur ditën e shtunë në Shkodër, ku një fëmijë 3-vjeçar ka ndërruar jetë në Spitalin Rajonal të Shkodrës, pas një gjendjeje të rënduar shëndetësore. Burime pranë spitalit njoftojnë se fëmija, i cili ishte paraqitur në spital rreth orës 10:00 të paradites me insuficiencë kardiake, kishte puls të ulët dhe shenja jetësore shumë të dobëta. Pas rreth 10 minutash qëndrim në spital, ai ka ndërruar jetë.

Pak pas këtij incidenti tragjik, motra e fëmijës, gjithashtu në një gjendje të rënduar shëndetësore, ka mbërritur në spital me simptoma të ngjashme. Ajo ka marrë menjëherë ndihmën e parë dhe është dërguar në QSUT, ku ndodhet në gjendje kritike për jetën.

Ndërkohë, nuk dihen ende detaje mbi gjendjen shëndetësore të nënës së dy fëmijëve, e cila ishte në javën e 37-të të shtatzënisë, por burimet njoftojnë se ajo nuk është paraqitur në Spitalin e Shkodrës për ndihmë mjekësore.

Familja e dy fëmijëve është nga bashkia Vau Dejes, ndërsa autoritetet mjekësore dhe policia po hetojnë për të zbuluar shkakun e kësaj ngjarje tragjike.

LEXONI GJITHASHTU:

• Fëmija 3-vjeçar humb jetën, motra në rrezik – Dyshime për helmim nga ilaçi i miut
• Vdes 3-vjeçari që u dhunua nga nëna në Greqi, zemra dhe organet e tij do të dhurohen
• Tre persona vdesin në shtëpinë e të moshuarve në Firence, shkak helmimi nga ushqimi