E thirrën në gjyq në Serbi për flamurin, Arifi: “Veriu” po reflekton në Luginë

Kryetari i komunës së Preshevës, Shqiprim Arifi tha në një intervistë për Euronews Albania se është thirrur nga gjykata serbe vetëm pse vendosi flamurin kombëtar shqiptar në godinën e komunës.

Arifi u shpreh se ajo që po ndodh Veri po prek drejtpërdrejtë komunën e Preshevës.

Ai mohoi se ka dalë kundër legjitimitetit të kryekomunarëve shqiptarë në Veri, por vetëm kundër veprimit të Kurtit pa u konsultuar me partnerët ndërkombëtarë dhe qeverisë së Shqipërisë.

“Jam thirrur nga gjykata serbe për vendosjen e flamurit kombëtar në 28 nëntor në godinën e komunës. Efektet e asaj që po ndodh në veri po prekin drejtpërdrejtë në komunën e Preshevës”, tha Arifi.

LEXONI GJITHASHTU:

• Vendosi flamurin shqiptar në hapësira publike, kreu i komunës Preshevë në gjyq
• Kreu i Komunës së Preshevës: Albin Kurti ‘non grata’ nga SHBA, s’është bërë zyrtare