E trishtë| Ndërron jetë futbollisti italian, bie aksidentalisht në një kanal

Gabriele Galani, futbollisti 24-vjeçar i cili ishte kapiteni i ASD Piccardo Traversetolo, humbi jetën për shkak të një aksidenti fatkeq. Ai ra në një kanal në Amsterdam ndërsa ishte duke ecur me miqtë e tij. Zhdukja e tij nuk u vu re menjëherë, pasi ai ishte duke ecur disi më mbrapa.

Kur Galani u gjet nga zhytësit në ujë, gjendja e tij ishte kritike. Ambulanca u thirr menjëherë dhe ai u dërgua në spital, por nuk arriti të mbijetonte dhe ndërroi jetë pak orë më vonë.

Policia ka nisur një hetim pas vdekjes së 24-vjeçarit, thuhet se oficerët kanë parë pamjet nga kamerat e sigurisë.

Hetuesit kanë apeluar gjithashtu për informacion nga kushdo që mund të ketë qenë dëshmitar i ngjarjes. “Detektivët janë në kërkim të dëshmitarëve që dinë më shumë se si viktima përfundoi në ujë”, tha policia në një deklaratë.

ASD Piccardo Traversetolo, një ekip i kategorisë së 5-të në Itali, postoi një homazh për Gallanin në rrjetet sociale.

LEXONI GJITHASHTU:

Thëllëzat i ndryshuan jetën, fermeri u kurua me vezët e tyre dhe e ktheu në biznes

Gazetari: Basha do rikthehet, Rama ka ende një punë fundit për të