Edhe pse i zhdukur, Gjykata e Lartë merr vendimin për Ervis Martinajn

Gjykata e Lartë ka rrëzuar këtë të enjte rekursin e bërë nga i shumëkërkuari Ervis Martinaj në lidhje me ngjarjen e ish-“Bllokut”, ku mbeti i vrarë miku i tij Fabiol Gaxha dhe u plagos Eljon Hato e vetë Martinaj.

Në rekurs Martinaj kundërshtonte vendimin e Gjykatës së Apelit të vitit 2018 që e la atë në burg për ngjarjen në zonën e ish-Bllokut, por që më u lirua nga Gjykata e Tiranës me garanci pasurore.

Në përfundim të procesit në Apel akuza ndaj Martinaj për vrasje të mbetur në tentativë ra, megjithatë ai u dënua 3 vite e 8 muaj burg me gjykim të shkurtuar për “Sigurimi i kushteve dhe mjeteve për vrasje”, “Fshehje të të ardhurave”, “Falsifikim i pasaportave, kartave të indentitetit, vizave”, si edhe “Organizim ose ushtrim i veprimtarisë së lojërave të fatit në kundërshtim me ligjin”.

Ky vendim për refuzimin e rekursit të Martinaj nga Gjykata e Lartë vjen në një kohë kur prej 7 muajsh “bosi i lojërave të fatit” rezulton i zhdukur dhe njëkohësisht i shumëkërkuar nga SPAK.

Pak ditë me parë me kërkesë të Prokurorisë së Posaçme, Martinajt dhe familjarëve të tij iu sekuestruan 34 pasuri të dyshuara nga aktiviteti kriminal ndërsa për fatin e tij ende autoritetet nuk kanë një përgjigje.

LEXO GJITHASHTU:

• U kap nga inteligjenca franceze, aplikacioni që zbuloi ku fshihej Leonard Duka
• “Fija lidhëse ishte vjehrra”- Metushi: Si u zbulua pasuria e Vis Martinaj në Surrel
• Lita: SPAK do ta nxjerrë nga strofulla Vis Martinajn! Me heqjen e pasurisë familja…