Ekonomia do rritet 3.3%/ BERZH: Turizmi ka nisur mbarë, rritje të konsumit privat

Ekonomia shqiptarë do të rritet 3.3% këtë vit. Parashikimi është bërë nga BERZH, i cili thotë se turizmi do të ndikojë pozitivisht në vend.

Ekonomia shqiptare pritet të rritet me 3.3% gjatë këtij viti. Parashikimi është bërë nga Banka Europiane për Rindërtim dhe Zhvillim, dhe mbetet i pandryshuar që nga parashikimi i muajit shtator.

Krahasuar me vendet e rajonit, Shqipëria bashkë me Kosovën dhe Serbinë janë tre shtetet me normë të pandryshuar, krahasuar me parashikimet e vjeshtës së vitit të kaluar.

Nga ana tjetër, “Banka Europiane për Rindërtim dhe Zhvillim” ka ulur projeksionet për Bosnje Hercegovinën dhe Malin e Zi me 0.2 pikë dhe për Maqedoninë e Veriut me 0.5 pikë.

Për Shqipërinë, ecuria e turizmit në dy muajt e parë të këtij viti, tregon një rritje të mundshme të konsumit privat, ndërkohë që stabilizimi i lekut kundrejt euros mund të mbështesë rritjen e eksporteve”, thuhet në raportin “Perspektivat Ekonomike Rajonale”.

Ndërkohë, për vitin 2025, BERZH pret që ekonomia shqiptare të zgjerohet me 3.5%, në përputhje me rimëkëmbjen  e pritshme botërore.

Në Ballkanin Perëndimor, BERZH pret që rritja ekonomike të përshpejtohet në 3.3% këtë vit nga 2.5% në 2023, duke ulur projeksionin e saj të mëparshëm prej 3.4%.

LEXONI GJITHASHTU: 

• “Bota serbe e ndal Shqipërinë e Madhe”- Rama i përgjigjet deklaratave të Vulin
• Partia e Salvinit do kërkojë heqjen e flamujve të BE-së para institucioneve italiane