Ekonomisti: Shqiptarët nuk marrin kredi për pushime, s’kanë kulturë pushimesh

Të marrësh kredi për pushime duket se nuk është diçka e zakontë në vendin tonë. Ekonomisti Igli Tola tha në “Now me Erla Mëhillin” në Euronews Albania se për shqiptarët është ende më e lehtë të mos bëjnë pushime fare se sa të marrin kredi për t’i realizuar ato.

Ai tha se ka edhe njerëz që e bëjnë këtë, por zakonisht janë çiftet e reja te të cilët ndikon shumë edhe Instagrami.

“Nuk është i lartë si numër, po të shohim trendin e kredive konsumatore, sepse pak a shumë në atë kategori përmblidhen.

Ka një trend këto tre katër vitet e fundit të rritjes së kredisë konusmatore në raport me portofole të tjera të kredive në Shqipëri që kryesisht janë kredi për përballimin e shpenzimeve të zakonshme e të përditshme, ku përfshihet edhe kryerja e pushimeve.

Por nuk besoj se është aq shumë fenomen.  Është më shumë fenomen te të rinjtë, por nuk është aq trend i madh në vendin tonë”,-tha ekonomisti Igli Tola.

LEXONI GJITHASHTU:

• Baba: Shumica e të huajve vijnë në Shqipëri se është reklamuar si vend i lirë
• Hidhet me kokë në det, plagoset turisti lituanez në Sarandë