Ekskluzive| Artisti i murales te Qyteti Studenti: Më vjen mirë që e lidhin me LGBT+

Artisti spanjoll Sasha Primo pikturoi një personazh në një mur të Qytetit Studenti dhe vepra e tij ka ngjallur shumë reagime në rrjet.

Në një intervistë për “Good morning Albanians” në Euronews Albania ai tha se i vjen mirë që vepra e tij lidhet me komunitetin LGBT+ sepse i mbështet.

“Çfarë pikturova nuk është drejtpërdrejtë e lidhur me komunitetin, por më pëlqen që njerëzit lirisht mund ta interpretojnë veprën time,” – u shpreh Primo.

Piktori tha se arti i ka dhënë mundësinë të transformojë personazhet dhe kjo e bën diçka të veçantë.

“Dua që vepra ime të jetë e hapur për këdo që të shohin dhe të vlerësojnë atë që duan,” – shtoi Primo.

Sipas Bashkisë së Tiranës, artisti në fjalë pasi mbaroi një murale brenda një kohe të shkurtër për “Mural Fest” kërkoi të realizonte një të dytë, i frymëzuar nga një grua rome që kërkonte lëmoshë te pallati ku ai kishte punuar.

LEXONI GJITHASHTU:

• Pastori: Muralja te Qyteti Studenti është kundër fesë, është helmuese
• Muralja te Qyteti Studenti shkakton debat, a është një transgjinor?