Ditët e fundit në rrjetet sociale ka qenë shumë e komentuar një murale në Qytetin Studenti.
Ajo është realizuar nga një artist spanjoll i quajtur Sasha Primo. Komentet më të shumta janë kundër kësaj muraleje duke argumentuar se bëhet fjalë për imazhin e një personazhi që i përket komunitetit LGBT+ dhe nuk është etike që një imazh i tillë të jetë në një nga fasadat e mjedisit më të populluar nga studentët.
Sipas Bashkisë së Tiranës, artisti në fjalë pasi mbaroi një murale brenda një kohe të shkurtër për “Mural Fest” kërkoi të realizonte një të dytë, i frymëzuar nga një grua rome që kërkonte lëmoshë te pallati ku ai kishte punuar. Krijoi afrimitet me të, aq sa gjatë kohës kur punonte muralen e parë, ndante drekën me të.
Mungesa e kohës, është shpjegimi që i jep artisti Helidon Haliti, përafrimit të këtij murali me një figurë transgjinore.
Sipas tij, artisti nuk ka pasur kohën e mjaftueshme për të theksuar tiparet femërore, ndërsa lartësia, i ka përforcuar këto vështirësi.
LEXONI GJITHASHTU: