Lajmi se Sylvinho mund të largohet nga kombëtarja shqiptare në prag të kualifikueseve të Kupës së Botës ka tronditur opinionin sportiv, teksa gjithçka është e paqartë, pasi vetë trajneri ka refuzuar të japë informacione.

Euronews Albania raportoi më herët se tekniku është “joshur” nga telefonata që i ka bërë pronari i klubit, ndërsa gazetari Enriko Gabaj arriti të kontaktojë me burime të afërta me numrin 1 të kampionëve në fuqi të Brazilit, John Textor. Informacioni i konfirmuar është se emri i Sylvinhos u sugjerua në skuadër nga ish-asistenti i tij në periudhën që drejtonte Lyonin, Cacapa, që ka marrë detyrë drejtuese te Botafogo, përkohësisht është dhe trajner i skuadrës.

Sa i përket telefonatës që thuhet se është zhvilluar mes palëve ende nuk ka një informacion konkret çfarë u fol mes tyre, por në lidhje me këtë çështje mësohet se ishin në dijeni vetëm 3 persona nga Botafogo pronari Textor, drejtori sportiv Brito dhe trajneri i përkohshëm Cacapa.

Orët e ardhshme janë vendimtare, ku burimet bëjnë të ditur se trajneri i ri i Botafogo do të emërohet brenda 1 jave.

LEXONI GJITHASHTU:

• Silvinjo publikon listën e lojtarëve për dy ndeshjet ndaj Çekisë dhe Ukrainës
• Shqipëria humbet ndaj Çekisë, Silvinjo: Ishin të motivuar, sidomos pas humbjes 3-0