Eksperti i ekonomisë: Ulja e TVSH për produktet e shportës të zgjidhet me negociata

Eksperti i ekonomisë, Sherif Bundo deklaroi për Euronews Albania se rrethanat në të cilët propozohet ulja e TVSH për produktet e shportës e bëjnë emergjente nevojën e këtij diskutimi.

Eksperti nënvizoi se ulja e TVSH-së së këtyre produkteve është jetike dhe u propozua në një kohë të përshtatshme, pasi është kryer fiskalizimi.

Z. Bundo theksoi se duhet të zgjidhet me negociata, sesa përqind duhet të ulet TVSH-ja për produktet e shportës.

“Kriza ekonomike, një nga elementet më të dukshëm, ka rritjen e çmimeve dhe ky është një kërcënim i radhës për këto shtesa të pambrojtura. Duhen politika të zgjuara përballë krizës së çmimeve”, tha z. Bundo.

Por, eksperti tha se nuk e mbështet propozimin që të hiqen fonde nga pastrimi i mjedisit.

“Po t’i shtosh këtij borxhi publik të bërë publik nga Banka e Shqipërisë, këto shifra si detyrim nga ana e qeverisë edhe detyrimet në rritje nga partneritetit publik-privat, gjobat e arbitrazheve, faturat palikuiduara dhe problemet në sistemin e ujësjellësit, problemet me tenderët, borxhi publik e kalon 100%”, tha ai.

Një ditë më parë, Partia Demokratike dorëzoi në Kuvend nismën ligjore për uljen e TVSH-së nga 20% në 6% për produktet e shportës.

Vendimi u mor të hënën në mbledhjen e grupit parlamentar të PD dhe u dorëzua të martën nga deputetja demokrate Jorida Tabaku.

LEXONI GJITHASHTU:

• PD dorëzon nismën për uljen e TVSH nga 20 në 6%, Tabaku: Nxit ekonominë