Eksperti i IT-së, Besmir Semanaj deklaroi se qytetarët duhet të jenë të qetë, pas publikimit të të dhënave bankare nga hakerat iranianë.

Në emisionin “Good Morning Albanians” në Euronews Albania, Semanaj u shpreh se publikimi i të dhënave nuk është diçka pozitive, por nënvizoi se hakerat kanë prekur vetëm rrjetin IT dhe jo atë të core banking, ndaj dhe nuk mund të prekin llogaritë bankare.

“Sistemi bankar ka dy rrjete. Është rrjeti IT, që marrin shërbim punonjësit e bankave, degët, e-banking, kemi edhe rrjetin e dytë që është rrjeti i core banking. Në rrjetin IT ka qasje dhe mund të hakerohet, mund të dalin raporte kredish, shuma llogarish, por nga ky rrjet nuk mund të tjetërsohen llogaritë bankare të qytetarëve.

Pra, qytetarët shqiptarë duhet të jenë të qetë. Nuk kemi bëjmë me prekje të llogarive, nuk kemi të bëjmë me fshirje të llogartive, nuk kemi të bëjmë  me transferta të parave të tyre. Është prekur rrjeti i IT-së, nuk ka vend për panik”, theksoi ai.

LEXONI GJITHASHTU

• Eksperti i IT-së kërkon dëmshpërblim për daljen e të dhënave të tij personale

• Lita: Deri në zgjedhjet e 14 majit, do ketë sulme dhe publikime të forta nga hakerat

• Gazetari: Hakerat iranianë duan të krijojnë një kolaps financiar si në 1997-n