Eksperti: Kurti dhe Vuçiç populistë, pse po luajnë me ndërkombëtarët

Analisti Arbnor Sadiku është shprehur se presidenti serb Aleksandër Vuçiç po shfrytëzon Kosovën për politikën e tij të brendshme.

Në një intervistë për Euronews Albania, ai theksoi se Vuçiç po e portretizon Albin Kurtin si armikun e jashtëm me qëllim për ta shfrytëzuar në dobi të interesave të tij politike të brendshme.

Analisti shtoi se të dy krerët e shteteve janë nacionalistë e populiztë dhe po luajnë në arenën ndërkombëtare për të fituar sa më shumë pikë secili.

“Vuçiç po shfrytëzon veriun e Kosovës me 50 mijë banorë serbë për konsumin e brendshëm të vet politik dhe ka gjetur edhe ai armikun e jashtëm që ta përdorë për politikën e jashtme. Mendoj që të dy janë politikanë nacionalistë dhe populistë. Kështu, duke gjetur një bashkësi ndërkombëtare në një gjendje të tillë, Kurti e Vuçiç po lozin mjaft mirë”- tha ai.

LEXONI GJITHASHTU: 

• VIDEO| Gjendet i dekompozuar në moçal trupi i 27-vjeçares polake në ishullin grek
• Matura| Del teza e Ekonomisë dhe Fizikës 15 minuta para nisjes së provimit