Eksperti: Profesioni i mjekut në ‘shënjestër të robotëve’, mund të zhduket në 2 vite

Eksperti i teknologjisë, Gerond Taçi thotë se profesioni i mjekut është shumë i targetuar nga inteligjenca artificiale.

Në një intervistë për Euronews Albania, Taçi u shpreh se brenda 2-3 vitesh, do të ketë evoluim të pajisjeve mjekësore që do shërbejë për zëvendësimin e mjekëve me robotë.

“Profesioni i mjekut është shumë i targetuar nga inteligjenca artificiale dhe kompanitë që prodhojnë software të tilla. Është në pararojë dhe për mendimin tim, kanë bërë avancime të pabesueshme. Ndonjëherë habitesh sepse mendon që nuk e kishe parashikuar që e ardhmja mund të ishte kaq larg, të shkonte në këtë pikë.

Besoj që shumë shpejt do të përballemi me mënyra të tjera sesi njerëzit kurohen, me pajisje të reja. Në gjuhën e teknologjisë, shumë shpejt është një, dy apo tre vjet. Do të ketë një evolim të këtyre pajisjeve”, theksoi ai.

LEXONI GJITHASHTU

• Aleat me Berishën, Vangjel Dule pro bashkimit me Alibeajn: Opozita duhet e bashkuar
• Rama kritika deputetëve në Vlorë, votohet për kandidatin që do garojë për Bashkinë
• Belind Këlliçi shpall platformën për Tiranën, premton transport falas dhe ujë 24 orë