Eksperti: Stacionet e urbanëve s’janë të përshtatshëm për autobusët fizarmonikë

Fatmir Hasho, ekspert i sigurisë rrugore, ishte këtë të mërkurë i ftuar në “Good Morning Albanians” për të folur për ndryshimet që pritet të ndodhin në Tiranë me krijimin e korsive të urbanëve

ai tha se një gjë shumë e rëndësishme është krijimi i stacioneve të urbanëve me parametra, në një zonë ku pasagjerët mund të  dalin të sigurt e të mos kenë punë me makinat e tjera.

“Trotuaret edhe sot janë të ngushtë, unë nuk e di se ku do e gjejnë hapësirën për të krijuar korsinë e urbanëve. Këto plane që bëhen është mirë të diskutohen me profesionistë, të ulen e të bëjnë llogaritë tamam jo nga zyra.

Unë do të isha shumë i prirur që fillimi t ishte ndërtimi i stacioneve sipas standardeve. Të fillojë nga ndërtimet e stacioneve. Duhen ndërtuar stacione me përmasat që duhet të jenë, por me përmasat që kanë vendosur nuk janë parashikuar autobusët me disa elementë. Ata në rrugët e Tiranës, janë katastrofë”,-tha eksperti i sigurisë rrugore.

LEXONI GJITHASHTU:

• Kreu i Transportit Urban: Autobusët vonohen nga trafiku, jo se nuk janë të shumtë
• Inspektori i Policisë i akuzuar për korrupsion, AMP ekzekuton vendimin e Gjykatës