Eksperti zbulon planin e Macron: Ja përse zgjodhi një kryeministër më të ri

Selam Hajrizi ekspert i çështjeve ndërkombëtare ishte këtë të mërkurë i ftuar në Euronews Albania për të komentuar zgjedhjen e presidentit francez Emmanuel Macron i cili ditën e djeshme emëroi si kryeministër 34-vjeçarin Gabriel Attal.

Ky i fundit përveçse është kryeministri më i ri ndonjëherë në Francë, është edhe i pari kryeministër homoseksual.

Hajrizi tha se kjo zgjedhje vjen pasi Macron do të rikthejë stabilitetin politik në Francë, ndaj ai ka zgjedhur të ketë në krah njeriun më besnik ndaj figurës së tij. Me anë të Attal, Macron synon një përballje më të mirë me opozitën.

“Me këtë kryeministër të ri, presidenti Macron mundohet të ballafaqojë opozitën, sidomos zotin Le Pen dhe kryetarin e partisë Jordan Bardella, garant i zonjës Le Pen. Ai do paraqitët në zgjedhjet europiane pas disa muajsh. Jordan Bardella është edhe më i ri se kryeministri aktual ai është vetëm 28 vjeç, ndërsa Gabriel Attal është 34-vjeçar dhe është një kryeministër i cili ka pasur pozita shumë të rëndësishëm në qeverinë e Macron”,-tha Selam Hajrizi.

LEXONI GJITHASHTU:

• Macron zgjedh 34-vjeçarin Gabriel Attal si kryeministrin e ri të Francës
• Kush është kryeministri më i ri në historinë e Francës, pjesë e komunitetit LGBTQI+