Eksperti zbulon se çfarë humbi Kosova nga negociatat Kurti-Vuçiç në Ohër

Eksperti i sigurisë, Drizan Shala thotë se pati vetëm një dakordësi politike mes kryeministrit të Kosovës, Albin Kurti dhe presidentit të Serbisë, Aleksandër Vuçiç në negociatat që zhvilluan të shtunën në Ohër të Maqedonisë së Veriut.

Në një intervistë për Euronews Albania, Shala u shpreh se duhet të  kishte një marrëveshje të firmosur nga Kurti dhe Vuçiç, ku të detyroheshin të dyja palët që të përmbushnin detyrimet.

“Dakordësia bazohet vetëm mbi deklarimet politike. Nuk kemi ndonjë pajtueshmëri, pajtim apo nënshkrim të aktit të asaj marrëveshjeje, që i detyron palët të kenë detyrime ligjore ndaj njëra-tjetrës, në radhë të parë edhe me BE-në. U dakordësuan vetëm në aspektin politik për të vazhduar procesin e aneks marrëveshjes për normalizmin të marrëdhënieve mes të dyja palëve.

Vetëm një fitore është për bashkësinë ndërkombëtare , e cila tanimë e ka krijuar një status quo të re, në një fazë interesante , ku në një periudhë 10-vjeçare, palët do të rinegociojnë për shumë çështja”, theksoi ai.

LEXONI GJITHASHTU

• Marrëveshja Kurti-Vuçiç | Reagime të forta nga SHBA, NATO dhe Turqia

• Blinken: SHBA mirëpret marrëveshjen e arritur në Ohër mes Kosovës dhe Serbisë
• Opozita në Serbi reagon ndaj Vuçiçit për rezultatin e bisedimeve në Ohër