Eksperti zbulon sekretin: Policët po të duan i hapin makinat dhe qytetari s’e kupton

Eksperti i kriminalistikës, Artan Rexhepi tregoi në emisionin GoodMorning Albanans në Euronews Albania se efektivët e policisë janë në gjendje të hapin automjetet.

Sipas tij, ka pasur raste kur krerëve të krimit u janë vënë përgjues në automjete apo apartamente pa e kuptuar fare.

“Në rastet e vjedhjeve të automjete unë do ta bëja target hetimi edhe autorin e deklarimit, pasi ka raste kur vjedhja mund të jetë bërë në bashkëpunim, vjedhjet me kompromis. Makinat e vjedhura shpesh përdoren në ngjarje kriminale ndaj shiten edhe me gjysmë çmimi. Vetë punonjësit e policisë profesionalisht janë të gjendje të hapin mjetet me pajisjet që kanë. Krerëve të krimit u janë hapur makinat dhe u janë vënë përgjues pa e kuptuar fare”, tregoi eksperti.

LEXONI GJITHASHTU:

“1330 vjedhje të banesave dhe bizneseve në 1 vit”, gazetari tregon ku dominojnë

Çfarë vidhet më shumë në Shqipëri, nga makinat tek shtëpitë e bizneset