Ekspozita në Gjirokastër/ Fëmijët e talentuar në pikturë prezantojnë botën e tyre

Rrethet jashtëshkollore që funksionojnë në qendrën kulturore të fëmijëve “Fato Berberi” në Gjirokastër janë një mundësi e mirë që fëmijët të ushtrojnë talentin në fusha të ndryshme.

Në fundjavë piktorët e vegjël çelën një ekspozitë me punime që prezantojnë ndjesitë dhe botën e tyre fëminore.

“Gjëja që më tërheq më shumë është pasioni, të gjithë këtu kanë pasion, të gjithë duan të pikturojnë, është një gjë e përbashkët”

“Më tërheq shumë piktura dhe kur të rritem dua të bëhem një arkitekte, më pëlqen shumë

“Më pëlqen më shumë natyra, shtëpitë”

Prindërit dhe mësuesit e vlerësojnë të dobishëm ushtrimin e talentit në pikturë nga fëmijët sepse argëtohen dhe kalojnë kohë te lirë cilësore.

“Unë kam ardhur të mbështes mbesën time, ajo është në një kurs pikture dhe e ka shumë me qejf me dëshirë të paktën këtu kalon një kohë që të mos merret me celular”

“Është një punë disa mujore që kemi zhvilluar me fëmijët e qendrës dhe sot ekspozojmë punimet e tyre të përzgjedhura për punimet më të mira, kursi ka një traditë shumëvjeçare në qytetin tonë dhe është traditë e bukur që gjithë fëmijët të shpalosin talentet e tyre te largohen nga e përditshmja, rutina, telefoni dhe ti përkushtohen më tepër pasioneve të tyre”-theksoi Ertil Bello.

Tashmë fëmijët dhe të rinjtë në Gjirokastër janë pjesë aktive e organizimeve kulturore dhe artistike.

LEXONI GJITHASHTU: 

• Zgjedhjet parlamentare në Portugali
• Muaji i shenjtë i Ramazanit, Rama uron besimtarët myslimanë