Formula e re e festivalit, dështim, Zaloshnja: Kënga fituese jo në dorë të publikut

Producenti Erjon Zaloshnja dhe Bojken Lako kanë debatuar në emision Review në Euronews Albania lidhur me formulën e këtij viti të festivalit të këngës, ku publiku zgjodhi këngën që do të përfaqësojë Shqipërinë në Eurovizion.

Zaloshnja e cilësoi dështim formulë e re. Sipas tij, përfaqësuesi për në Eurovizion duhet t’i lihej në dorë jurisë dhe jo publikut.

“Ndoqa festivalin pas 5 vitesh vetëm për shkak të ndarjes së çmimit të parë nga dërgimi në Eurovizion. Por formula e re rezultoi një dështim. Dërgimi në Eurovizion duhet t’i lihej në dorë jurisë dhe jo publikut”, tha Zaloshnja duke sjellë reagimin e Bojken Lakos.

Pjesë nga debati

Bojken Lako: Kjo që thotë Erjoni ka qenë vitin që shkoi.

Erjon Zaloshnja: Kush e vendosi që të vihej në zbatim kjo formulë, që këngën për në Eurosong ta vendosë publiku?

Bojken Lako: U mblodhëm disa drejtorë, grupi organizator dhe vendosëm t’ia lëmë publikut.

Erjon Zaloshnja: Mos më ndërpre, më lër të mbaroj.

LEXONI GJITHASHTU

• Festivali i Këngës me 2 çmime të para, Lako: Publiku e pëlqeu formulën e re
• Zeka: Kënga e Albina Kelmendit jashtëzakonisht e mirë për Eurovizion, po përgojohet