EMRAT| Morën peng të miturin në makinë dhe i vodhën varësen, kush janë dy autorët

Një ngjarje e rëndë ka ndodhur në Bathore, këtë të mërkurë, ku një i mitur është marrë peng në makinë nga dy 21-vjeçarë, të cilët i vodhën me dhunë varësen e floririt që mbante në qaf.

Policia ka bërë të mundur identifikimin dhe arrestimin e autorëve të cilët janë shtetasit Renato Sheta dhe Ervin Metalia, të dy banues në Kamzë.

Në cilësinë e provës materiale u sekuestruan varësja e floririt, një aparat celular dhe automjeti i përdorur nga 2 autorët e dyshuar.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

“Shërbimet e Komisariatit të Policisë Nr. 5, pas marrjes së njoftimit se dy shtetas i kishin marrë me dhunë varësen, një të mituri, në Bathore, kanë organizuar operacionin policor të koduar “Pressure”, për identifikimin dhe kapjen e autorëve.

Si rezultat i veprimeve të shpejta hetimore, nga specialistët për Hetimin e Krimeve të Komisariatit të Policisë Nr. 5, u bë identifikimi, kapja dhe arrestimi i shtetasve: E. M., 21 vjeç dhe R. Sh., 21 vjeç, të dy banues në Kamëz”, thuhet në njoftimin e policisë.

LEXONI GJITHASHTU:

• Aksident në Tiranë, makina përplas për vdekje kalimtaren
• Sherri me Rrajat, Prokuroria vendos kryerjen e riekspertimit mjekësor për Majat
• Një grua gjendet pa shenja jete në tarracën e banesës në Tiranë, dyshimet e para