“Emri i Martinajt po përdoret”, Rumano: Përmendet sa herë arrestohet ndonjë…

Avokati Gentian Rumano tha në një intervistë për Euronews Albania komentoi megaoperacionin e SPAK, ku u lëshuan 43 urdhër arreste në disa qytete të vendit dhe u sekuestruan mbi 4 milionë euro cash, automjete dhe sende me vlerë.

Sipas tij, emri i të shumëkërkuarit Ervis Martinaj që rezulton i humbur prej 1 viti po përdoret nga autoritet e drejtësisë duke u përmendur sa herë arrestohet ndonjë kundërshtar i tij.

“Parimisht duhet të biem dakord që ishte një operacion i suksesshëm për numrat dhe cilësinë, është arritje. Është e qartë që është një hetim që zhvillohet prej kohësh nga SPAK që ka çuar deri në kontrollet e banesave dhe urdhrat e arresteve. Emri i Ervis Martinajt më tepër po përdoret se sa po del. Çdo veprimtari që kryhet nga SPAK po pati një emër që ka qenë kundërshtar i Martinajt, paralelisht përdoret edhe emri i tij, nuk e konsideroj korrekte por nuk dua të hyj në punën e një dikasteri tjetër”, tha avokati.

LEXONI GJITHASHTU:

• Megaoperacioni i SPAK, Dervishi: U godit selia kryesore e krimit, ndodhej në Shijak
• FOTOT| 1 mln € kesh, ora e makina të blinduara, SPAK jep detajet për megaoperacionin