Epidemiologu: Vaksinoni fëmijët për fruthin, mos të rrezikojmë si pandemia e 2017-s

Mjeku epidemiolog, Rexhep Muja thotë se fëmijët duhet të vaksinohen për fruthin, në mënyrë që në vend, të mos përsëritet pandemia e vitit 2017, e cila zgjati deri në 2019-n.

Në emisionin “Good Morning Albanians” në Euronews Albania, Muja u shpreh se nga fruthi, rrezikohen të pavaksinuarit dhe kjo neglizhencë, mund të sjellë shpërthime të kësaj sëmundjeje virale.

“Jo. Në vendin tonë ne kemi pasur shpërthime të tilla disa vite më përpara. Në 2017-n, që zgjati edhe në 2018 dhe 2019. Ishte një shpërthim i tillë te moshat pediatrike dhe grup moshat e ndryshme që nuk ishin vaksinuar. Kjo është e vërtetë, të gjithë të pavaksinuarit janë të rrezikuar nga infeksionet virale.

Ne ndjekim një kuadër të programit të vaksinimit vazhdimisht dhe ndoshta gjatë gjithë punës së stafit mjekësor të lartë apo të mesëm që merren me vaksinimin, studiojnë terrenin, studiojnë lindjet, bëjnë planet e tyre për vaksinimin, për neglizhenca të tilla, shpërthime të tilla mund të ketë. Ka fëmijë të pavaksinuar dhe në raste të tilla, kur janë të pavaksinuar dhe virusi qarkullon, detyrimisht që shpërthime do ketë”, theksoi ai.

LEXONI GJITHASHTU

• Alimehmeti: Fëmijët nuk po vaksinohen për fruthin, kjo është alarmante
• Më shumë se 150 fëmijë vdiqën nga një shpërthim i fruthit në Zimbabve
• Rastet e fruthit në rritje, paralajmërimi i OBSH dhe UNICEF