Erkand Qerimaj: Kur më thirrën nuk e dija që do më intervistonte Rama

Erkand Qerimaj, peshëngritës dha detaje për intervistën që zhvilloi pak ditë me parë në ‘Podcastin” e kreut të qeverisë Edi Rama.

Në një intervistë për emisionin “Good Morning Albanians”,  Euronews Albania, Qerimaj tha se nuk e dinte se do ta intervistonte Rama ndërsa shtoi se nuk kishte pse të refuzonte ftesën e këtij të fundit.

Më tej ai theksoi se Rama nuk u bëri vetëm pyetje, por intervista u shoqërua dhe me batuta.

“Pas ceremonisë tek Forcat e Armatosura, kemi shkuar direkt në intervistë. Nuk ishim në dijeni që do na intervistonte Rama. Po të kishim dëshirë mund të thoshim jo, por nuk kishte ndonjë gjë për të thënë jo. Rama kishte hyrë në rolin e moderatorit, kishte batuta. Nuk ishte në rolin e kryeministrit. Rama u mundua të gjejë pikat kryesore të karrierës”- tha ai.

LEXONI GJITHASHTU: 

• Rama interviston gazetaren angleze, Taylor: Mendova se po bënte shaka, pse pranova
• Ndahet nga jeta kitaristi i grupit legjendar ABBA