Ermira Babaliu: U preka nga babai i Naim Murselit, ata janë dyfish të vrarë

Këngëtarja Ermira Babaliu nga Amerika është shprehur se është ndjerë e prekur nga intervista e babait të Naim Murselit, i cili shprehej se po ta dinte që i biri po planifikonte vrasjen e gruas do ta vriste ai vetë.

Në një intervistë për emisionin GoodMorning Albanians në Euronews Albania ajo shprehet se nuk duhet të gjykohet familja e vrasësit në këtë rast.

“Unë ndoqa intervistën e babait të vrasësit dhe si prind u preka jashtëzakonisht, për aq sa dimë, se nuk dimë për ndonjë lloj dijenie apo bashkëpunimi të familjes. Më preku fakti që fëmijët rrinë në shtëpinë e prindërve të vrasësit. E vura veten në vendin e tyre dhe u preka jashtëzakonisht se ata ndihen po aq të vrarë, se veç faktit të kësaj ngjarjeje ata janë të zhgënjyer prej djalit të tyre dhe nga ana tjetër në ç’formë do t’i paraqiten ata nipërve të tyre nesër”, tha ajo.

LEXONI GJITHASHTU:

• Liridona dhe Naim Murseli në proces divorci në Suedi, zbulohen detajet e reja
• Gazetari Krasniqi: Familja e Naim Murselit nuk u lejua në rivarrimin e Liridonës